Cerita Reuni

Didik rencana arep nekani reuni SD ndik Suroboyo.
Janjian karo 4 konco wedok sak alumni sing arep dijak barengan.
Kabeh ditelpon dipeseni wanti-2 :
“wis sampean nunggu ndik halte ngarepe toko roti Matahari… yo … in sya
Allah tak pethuk…”
Pas dino-ne…, Didik sesuai janji-ne ngampiri konco wedok-e sing arep
budal bareng.
“Nyang endi arek-2 iki…, kok gak ono…”, Didik mbatin.
Di-lewati toko roti Matahari, nganti ping telu. Suwe-2 karo rodo
mbesengut…, Didik telpon salah siji konco-ne :
“Lhoo… sampean sido reuni tah …???”
‘Yo sido rek…!”
“Lha sampean ngenteni ndik endi …???”
“Lhoo, jare dikon nunggu ndik ngarep toko roti Matahari…”
“Aku liwat kono kok gak ono lhoo…”
“Lhoh yak opo sih, aku wong papat nunggu ndik ngarepe toko roti Matahari
… wis ket mau … nganti garing kulit-ku…”
“Wah… wah… blaen… aku wis ping telu lewat kono gak ono sopo-2…,
cuma ono wong tuwek papat jilbaban…”
“Lhoo… yo iku aku…, karo konco-2…”
“AstaghfirulLAH…, lali aku yen kene wis podo tuwek…, tak pikir ijik
koyo biyen…” (Amr)




Leave a Reply

Your email address will not be published. Required fields are marked *