Dokter Karo Cak Fatah

Ono klinik ditulisi, sopo ae sing berobat gak waras, duwite dibalekno sampek 5 kali lipat.

Saben dino klinik iku rame terus gara2 slogane menjanjikan, tapi yo ngono, saben berobat nang kono, pasienne mesti waras, durung tau ono pasien sing komplain, gara2 gak waras.

Weruh ngono Cak Fatah iseng2 pingin berobat mrono, pengin ngetes ben klinike gak iso nangani, terus duwite iso mbalik 5 kali lipat.

Deweke ngarang penyakit sing kiro2 aneh, sing wong durung tau krungu.

Cak Fatah: “dok, aku iki kok duwe penyakit aneh yo?

Dokter : “Penyakit opo cak?

Cak Fatah: “Iki loh dok, aku ben mangan cangkemku kok gak kroso opo2. Pedes, asin, legi, gak kroso blas”

Dokter : “Owalah, iki ngono penyakit gampang diwarasno. Mei Lin, tulung jupukno obat nomer 7”

Dokter : “Iki cak, obate sampeyan ombe saiki. Ono perubahan opo gak?”

Cak Fatah pura2 gak kroso opo2, ben duwit’e iso mbalik…..,
Bareng diombe, Cak Fatah langsung misuh2….. keceplosan :

“Jangkriiikkkkk…, iki ngono dudu obat dok, tapi telek pitik??”

Dokter: “Wah, berarti kon wis waras, cangkemmu wis iso ngrasakno telek pitik barang”

Akhire Cak Fatah mulih ambek ngroweng gak mari2.

Minggu ngarepe, Cak Fatah iseng2 meneh, pingin berobat nang klinik maneh.

Cak Fatah: “dok, aku duwe penyakit aneh”

Dokter : “Opo iku?

Cak Fatah: “Ngene dok. Aku akhir2 iki kok gampang lalian. Jek tas 5 menit ngomong, wis lali sing diomongno”

Dokter : “Walah… gampang iku.”

Cak Fatah merinding gak karuan.

Dokter : “Mei Lin, tulung jupukno obat nomer 7”

Cak Fatah: “dok ojok guyon, aku emoh nek obat nomer 7”

Dr : “Loh opo’o?”

Cak Fatah (spontan) : “Iku dudu obat, tapi telek pitik”

Dokter : “Lah iku kon eling, Berarti penyakitmu wis waras!!

Cak Fatah: “Wis dok, gak sudi aku……., gak katene berobat meneh. Mosok saben nang kene disuguhi telek pitik !!”.

Diaaannggggkriiikkkk”




Leave a Reply

Your email address will not be published. Required fields are marked *